Sortzetiko Kardiopatiak

Zer dira

Haurdunalditik ematen diren bihotzaren egituraren edota bihotzaren funtzionamenduaren malformazioak dira sortzetiko kardiopatiak.

Intzidentzia handiena duen sortzetiko gaixotasuna da, jaiotzen diren mila haurretatik 8k dute sortzetiko kardiopatia, gutxi gora behera. Euskadin 200 haur inguru jaiotzen dira urtean sortzetiko kardiopatiarekin.

Sortzetiko kardiopatia mota asko daude, haurrarentzat arrisku arina dutenetatik berehalako ebakuntza kirurgikoa behar dutenetaraino.

Kardiopatia ohikoenak

Aurikula arteko komunikazioa

Bi aurikulak banatzen dituen paretaren irekiera, bi aurikulak beraien artean komunikatuak geratuz.

Bentrikulu arteko komunikazioa

Bi bentrikuluak banatzen dituen paretaren irekiera, bi bentrikuluak beraien artean komunikatuak geratuaz.

Aortaren koartazioa

Aortaren, gorputzeko arteria garrantzitsuenaren, hertsadura edo estutzea.

Birika-estenosia

Birika balbularen estutzea, bihotzetik birika arteriara doan odolari pasatzen uzten ez diona.

Fallot-en tetralogia

Bihotzean ematen diren anomalia desberdinak, zeinak odola normala baino oxigeno gutxiagorekin iristea eragiten duten.

Odol-hodi handien transposizioa

Arteria eta bentrikuluak alderantziz konektaturik daude.

Irudien egilea

Dr. Fernando Villagrá
(Sortzetiko Kardiopatien unitateko Burua, Hospital Universitario Montepríncipe. Madrid)

Informazio gehiago: www.cardiopatíascongenitas.net

Tratamenduak

Azken urteetan, ikerketa eta teknologian emandako aurrerapenak oso garrantzitsuak izaten ari dira, horren ondorioz, teknika eta errekurtsoak nabarmen hobetu egin dira eta hobetzen jarraitzen dute, bai maila farmakologikoan bai kirurgikoan.

Kardiopatiaren diagnostikoa egin ondoren eta konplexutasunaren baitan kardiologoak tratamendu desberdinak ezarri ditzake: gorputz kanpoko ebakuntza kirurgikoa, zain-kateterismoa, tratamendu farmakologikoa …

Sortzetiko kardiopatia duten haurren gehiengoak ebakuntza kirurgikoaren beharra izaten du bizitzako lehen urteetan, eta, kasu gehienetan, ebakuntza bat baino gehiagoren beharra izaten da.

Sortzetiko kardiopatia dutenek mediku-jarraipena egin beharra izango dute beren bizitza osoan.

Ondorioak

Garuna, etengabe, oxigenoa eta mantenugaiak behar dituen organoa da, horregatik zirkulazio aparatuaren menpekotasun handia du. Modu honetara, bihotz-patologiek nerbio-sistema zentralean ondorio kaltegarriak dituztela ikusi da.

Sortzetiko kardiopatia moderatu-konplexua duten haurren garapen psikomotorean talka egiten duten faktoreak ugariak dira.

Ikerketa ugarik adierazten dute psikomotore mailan eginiko esku-hartze eta lanketa goiztiarrek ebakuntzen sekuela edo ondorioak murrizten dituela, eta garapen neurologiko normalizatuan laguntzen duela. Hori dela eta, garrantzitsua da erne egotea eta beharrezkoa den guztietan espezialista bati kontsulta egitea.

Ondorioak garapeneko arlo desberdinetan eman daitezke: :

Garapen fisikoaren arloa
Motrizitate eta psikomotrizitate arloa
Garapen kognitiboaren arloa
Hizkuntza garapen arloa
Garapen psikologikoaren arloa

Gure neuropsikologoaren bidez, sortzetiko kardiopatia duten neska-mutil edo gaztek izan ditzaketen ondorioen berri ematen dugu, baita horiek nola atzeman jakiteko informazioa ere. Horrekin batera, norbanako kasu bakoitzean aholkularitza ematen dugu.